News

Իրավիճակն Արցախում եւ հայ-ադրբեջանական սահմանին

Published: Tuesday, 29 September 2020 10:25 | Written by armenians.hu | Print | Email | Hits: 1477

Սեպտեմբերի 27-ին Ադրբեջանի կողմից սանձազերծված ռազմական գործողությունները շարունակվում են ընդլայնվել ոչ միայն Արցախի հետ սահմանին, այլեւ ընդգրկվել Հայաստանի Հանրապետության հետ սահմանների ուղղությամբ։ Ս.թ. սեպտեմբերի 29-ի վաղ առավոտյան ադրբեջանական կողմը վերսկսել է լայնածավալ հարձակողական գործողությունները Արցախի պաշտպանության բանակի պաշտպանական գծի գրեթե ողջ երկայնքով: Մասնավորապես, հարձակողական գործողությունների ընթացքում առանձին ուղղություններով օգտագործում են ՏՕՍ-1Ա ծանր հրանետային համակարգեր:

ՏՕՍ, Սմերչ և մեծ տրամաչափի այլ համակարգերի կիրառումը փոխում է ռազմական գործողությունների տրամաբանությունն ու ծավալը՝ այն բարձրացնելով նոր մակարդակի: Այս կապակցությամբ Պաշտպանության նախարարությունը զգուշացնում է, որ հայկական զինված ուժերը ստիպված են օգտագործել ՝ մեծ մակերեսների վրա կրակային խոցման և դրա արդյունքում կենդանի ուժի, ինչպես նաև շարժական և անշարժ գույքի ոչնչացման մեծ ազդեցություն ունեցող սպառազինության և ռազմական տեխնիկայի տեսակներ:

Այս պահին պաշտպանության բանակի ստորաբաժանումները վստահորեն հետ են մղում թշնամու հարձակման բոլոր փորձերը՝ պատճառելով տեխնիկայի և մարդկային ուժի ծանր կորուստներ:

Հայկական կողմի կորուստների թիվն այս պահին ճշգրտվում է։ Կրկին հորդորում ենք մեր բոլոր հայրենակիցներին՝ հետեւել ՄԻՄԻԱՅՆ պաշտոնական տեղեկատվությանը։ ՀԱՂԹԵԼՈՒ ԵՆՔ։

Cikket írta: Armine Mnatsakanyan (2019-3-HU01-ESC11-077563)

Fotóanyagokat gyűjtötte: Narine Chukhuryan (2019-3-HU01-ESC11-077563)

Category: Uncategorised

Հայկական կողմի գործողությունները պատերազմի՝ տեղեկատվական ճակատում

Published: Tuesday, 29 September 2020 11:13 | Written by armenians.hu | Print | Email | Hits: 2584

Հարգելի հայրենակիցներ,

Ամեն րոպե եւ վայրկյան պատերազմը շարունակվում է ոչ միայն ռազմի դաշտում, այլեւ տեղեկատվական ոլորտում։ Հակառակորդն անընդհատ ապատեղեկատվություն տարածելու միջոցով փորձում է խուճապ առաջացնել հայկական տիրույթում։ Այս իրավիճակում հույժ կարեւոր է բոլորիս զգոնությունը, տարածած ամեն տեղեկատվությունը։ Բոլորիդ հորդորում ենք հետեւել Հայաստանից եւ Արցախից ստացվող միմիայն ՊԱՇՏՈՆԱԿԱՆ տեղեկատվությանը։ Պաշտոնական տեղեկատվության աղբյուրները նշում ենք ստորեւ․

Պաշտոնական կայքեր՝

• ՀՀ կառավարություն - https://www.gov.am/am/

• ՀՀ ԱԺ - http://parliament.am/

• ՀՀ մարդու իրավունքների պաշտպան - https://www.ombuds.am/

• ՀՀ արտաքին գործերի նախարարություն - https://www.mfa.am/hy/

• ՀՀ պաշտպանության նախարարություն - https://mil.am/

• ՀՀ ԱԱԾ - https://www.sns.am/hy/

• Արցախի կառավարություն - http://gov.nkr.am/hy/

• Արցախի ԱԺ - http://www.nankr.am/

• Արցախի պաշտպանության նախարարություն - http://nkrmil.am/

• Արցախի ԱԱԾ - http://www.nssartsakh.am/hy

• Արցախի արտաքին գործերի նախարարություն - http://gov.nkr.am/hy/ministries/details/5/

Facebook-ում՝

• Հայկական միասնական տեղեկատվական հարթակ

https://www.facebook.com/ArmenianUnifiedInfoCenter/

• Արցախի Տեղեկատվական շտաբ - https://www.facebook.com/ArtsakhInformation

• ՀՀ կառավարություն - https://www.facebook.com/armgovernment/

• ՀՀ Ազգային Ժողով - https://www.facebook.com/parliament.am/

• ՀՀ ԱԱԾ - https://www.facebook.com/www.sns.am/

• ՀՀ արտաքին գործերի նախարարություն - https://www.facebook.com/MFA.Armenia/

• ՀՀ պաշտպանության նախարարություն - https://www.facebook.com/ArmeniaMOD/

• ՀՀ մարդու իրավունքների պաշտպան - https://www.facebook.com/Armenianombudsman/

• Արման Թաթոյան, ՀՀ ՄԻՊ - https://www.facebook.com/profile.php?id=100017676420633

• Նիկոլ Փաշինյան, ՀՀ վարչապետ - https://www.facebook.com/nikol.pashinyan/

• Շուշան Ստեփանյան, ՀՀ ՊՆ խոսնակ - https://www.facebook.com/shushanstepanyan

• Արայիկ Հարությունյան, Արցախի նախագահ - https://www.facebook.com/ArayikHarutyunian/

• Արցախի կառավարություն - https://www.facebook.com/ArtsakhGovernment/

• ՀՀ պաշտպանության բանակ - https://bit.ly/36cErG3

• Արցախի մարդու իրավունքների պաշտպան - https://www.facebook.com/ArtsakhOmbuds/

•Արցախի արտաքին գործերի նախարարություն - https://www.facebook.com/mfankr/

Cikket írta: Narine Chukhuryan (2019-3-HU01-ESC11-077563)

Category: Uncategorised

ՀՀ Անկախության տոնը Հունգարիայի Հայ Ինքնավարությունում

Published: Wednesday, 21 October 2020 10:07 | Written by armenians.hu | Print | Email | Hits: 2584

Սեպտեմբերի 21-ին Հայաստանի Հանրապետության անկախության տոնին էր միացել նաեւ Հունգարիայի Հայ Ինքնավարությունը։ Կազմակերպվել էր ցերեկույթ, որն ուներ նաեւ մշակութային ծրագիր։ Միջոցառումը նախատեսվածից մի քանի անգամ համեստ էր՝ պայմանավորված հակահամաճարակային սահմանափակումներով եւ ելնելով բոլորի անվտանգությունից։

Միջոցառմանը բացման խոսքով հանդես եկավ Բուդապեշտի հայ ինքնավարության նախագահ Նիկողոս Հակոբյանը, ուղերձով հանդես եկան եւ հայկական պետականության կայացման ուղու մասին պատմեցին Ալեքս Ավաննեսյանը, Արմենիա ամսագրի խմբագիր Սոսի Սուսանյանը։ Մշակութային ծրագիրն իրենց ելույթներով շարունակեցին Դավիթ Ենգիբարյանը, Նելսոն Ստեփանյանը, Յուհազ Էնդրենեկը, կամավոր Արմինե Մնացականյանը․․․Միջոցառումը եւս մեկ անգամ իր շուրջն էր համախմբել հայ համայնքի անդամներին, բարեկամներին, արվեստագետներին։

Cikket írta: Narine Chukhuryan (2019-3-HU01-ESC11-077563)

Fotóanyagokat gyűjtötte: Armine Mnatsakanyan (2019-3-HU01-ESC11-077563)

Category: Uncategorised

«․․․Մինչդեռ աշխարհը ցինիկաբար լռում է, հայ զինվորները պաշտպանում են իրենց երկիրը՝ չվախենալով նաեւ նահատակվելուց․․․»

Published: Tuesday, 06 October 2020 12:33 | Written by armenians.hu | Print | Email | Hits: 2938

Հոկտեմբերի 5-ին Բուդապեշտում կայացավ հայկական խաչքարի բացման արարողություն։ Խաչքարը նվիրված է հայ-հունգարական բարեկամությունը եւ Արցախյան պատերազմի ընթացքում նահատակված հերոսներին։

Բացման միջոցառմանը ելույթով հանդես եկավ Բուդապեշտի 3-րդ թաղամասի կառավարիչ Լասլո Կիսը։

Հայ-հունգարական հարաբերությունների եւ հայագիտության մեջ մեծ ներդրում կատարող Պիտեր Պազմանի կաթոլիկ համալսարանի Հայագիտության ամբիոնի վարիչ, դոցենտ դոկտոր Բալինտ Կովաշչը, իր ելույթում նշեց․ «․․․Արցախը Հայաստանի Տրիանոն է, որ Ստալինի ոչ իրավացի որոշման արդյունքում դարձել էր Խորհրդային Ադրբեջանի մաս եւ Խորհրդային միության փլուզման ավարտին վերածվել ամենաարյունալի հակամարտության»։

Իր ելույթում հայկական «Ուրարտու» թատրոնի ղեկավար Արտին Դիրամերճյանը շեշտեց, որ Թուրքիայի կողմից հայոց ցեղասպանությունը դեռ չի ավարտվել եւ այն, ինչ պատրաստվում էին անել Թուրքիան եւ Ադրբեջանը, լինելու էր Հայոց ցեղասպանության շարունակությունը։

Մշակութային ելույթով միջոցառումն ամփոփեց Նելսոն Ստեփանյանը։

Միջոցառումն իր շուրջն էր համախմբել ոչ միայն հայերին, այլեւ հույների, հունգարացիների, ովքեր կիսում են հայ ժողովրդի արժեքները խաղաղության մասին։ Սա նաեւ անտարբեր չմնալու կոչ էր միջազգային եւ հունգարական հասարակությանը եւ ուշադրություն էր հրավիրում Արցախում տեղի ունեցող պատերազմական գործողությունների եւ թուրք-ադրբեջանական ագրեսիայի վրա։

Ստորեւ ներկայացնում ենք հունգարական մեդիայի անդրադարձը մեր միջոցառմանը․

https://www.youtube.com/watch?v=qlDbNOXK89g&fbclid=IwAR1dqUkcjqJYCi0AgBmytKrZY3gxThzkcOu0s2-Lv6pRx_965w9eS8IJ7pQ

https://pestisracok.hu/tiltakoztak-a-magyarorszagi-ormenyek-a-vilag-cinkos-hallgatasa-mellett-folytatodik-az-ormenyek-genocidiuma-hegyi-karabahban/?fbclid=IwAR3IwkbzsLF0oyCyHsm3rH3tb09yC9AsKLvQiyenYNOtOqSr6oZ7WSXTzsc

https://telex.hu/belfold/2020/10/05/ormeny-kokereszt-obuda?fbclid=IwAR1xsOFaKIAw-3y-uZigV02jKiAUk9cliyP31y5MP6quZGi3zAHpGm_jUb0