Արթուր Ալեքսանյանը դարձավ աշխարհի եռակի չեմպիոն։
Փարիզում ընթացող հունահռոմեական ըմբշամարտի աշխարհի առաջնությունում 98 կգ քաշային կարգում ոսկե մեդալը վիճարկեցին Հայաստանի հավաքականի առաջատար, օլիմպիական չեմպիոն, աշխարհի կրկնակի, Եվրոպայի եռակի չեմպիոն Արթուր Ալեքսանյանը եւ աշխարհի գավաթակիր, ռուսաստանցի Մուսա Եվլոեւը։
Եզրափակիչի առաջին մրցափուլում ըմբիշները վաստակեցին մեկական միավոր։ Ընդմիջումից հետո առաջին միավորը շնորհվեց Արթուր Ալեքսանյանին։ Արթուր Ալեքսանյանը փորձեց 4 միավորանոց հնարք իրականցնել, սակայն Ռուսաստանի ներկայացուցիչը չհանձնվեց, բայց քանի որ մրցակիցն արդեն պասիվության նկատողություն ուներ, եւս մեկ միավոր վաստակեց Արթուր Ալեքսանյանը։ Գոտեմարտի ավարտին հայ ըմբիշը դուրս հրեց մրցակցին մրցագորգից եւ հաղթեց 3։1 հաշվով։
Հիշեցնենք, որ կիսաեզրափակչում Արթուր Ալեքսանյանը 58 վայրկյանում 8։0 հաշվով տապալեց Ուզբեկստանը ներկայացնող Ռուստամ Ասակալովին։ Քառորդ եզրափակիչում օլիմպիական չեմպիոնը 6։2 հաշվով հաղթել էր վրացի Ռեւազի Նադարեիշվիլիին, 1/8 եզրափակիչում 10։1 հաշվով տպավորիչ հաղթանակ էր տարել ԱՄՆ ներկայացնող Թրեյսի Հենքոկի նկատմամբ, իսկ 1/16 եզրափակիչում 3։1 հաշվով պարտության էր մատնել իրանցի Սալեհիզադեին։
Հայկական դիասպորայի առաջին փառատոնը Վեսպրեմում
Հայկական դիասպորայի առաջին փառատոնի շրջանակներում Վեսպրեմ քաղաքում սեպտեմբերի 16-ին ժամը 15:00-ին կցուցադրվի Արարատ քանդակի մասին պատմող վավերագրական ֆիլմ,ողջույնի խոսքով հանդես կգա Վեսպրեմի քաղաքապետը Պոռգա Գյուլա, ժամը 17:30 կլինի քանդակագործ Աշոտ Բաղդասարյանի և գեղանկարիչ Դավիթ Սեդրակյանի ստեղծագործությունների ցուցահանդեսի բացումը, իսկ արդեն ժամը 19:00-ին կկայանա հանրաճանաչ Մենդելսսոն կամերային նվագախմբի և հայտնի օպերային երգիչ Գուրգեն Օվսեպյանի համատեղ համերգը, որի ընթացքում կհնչեն Արամ Խաչատուրյանի և Կոմիտասի ստեղծագործությունները:
Միջոցառումը կուղեկցվի հյուրասիրությամբ, որի ընդացքում հյուրերը կհամտեսեն փառատոնի հովանավոր և աջակից Մառլենկա ապրանքանիշի տորթերը:
Ավելի մանրամասն տեղեկությունների և տեղերի ամրագրման համար կարող եք զանգահարել +3670-4325979 հեռախոսահամարով։
Սիրով սպասում ենք բոլորիդ…
«Խոստումը» ֆիլմի պրեմիերան Բուդապեշտում
Օգոստոսի 3–ին Բուդապեշտում կայացավ աշխարհահռչակ ռեժիսոր Թերի Ջոնսի Հայոց ցեղասպանության մասին պատմող «Խոստումը » ֆիլմի պրեմիերան: Քըրք Քըրքորյանի հովանավորությամբ նկարահանված ֆիլմի հիմքում ընկած է մի գեղեցիկ սիրո պատմություն, որի դեպքերը զարգանում են Հայոց ցեղասպանության տարիներին: Գլխավոր դերերում հանդես են գալիս Քրիստիան Բեյլը, Օսկար Այզեքը, Շառլոտ Լե Բոնը, Անժելա Սարաֆյանը, Ջեյմս Քրոմվելը և այլոք, իսկ ֆիլմի երաժշտության հեղինակն է հանրաճանաչ հայ երաժիշտ Սերժ Թանկյանը: Ցուցադրությունը կայացավ լեփ-լեցուն դահլիճով, կային ներկայացուցիչներ Հունգարիայում Ռուսաստանի և Գերմանիայի դեսպանություններից, բազմաթիվ հայեր և հունգարացիներ, հյուրերի թիվը հասնում էր մոտ 250-ի: Իրենց ելույթներով հանդես եկան Հայ մշակութային ֆոնդի հիմնադիր տնօրեն Նիկողոս Հակոբյանը և Հունգարիայի Հայկական ինքնավարության ղեկավար Սևան Սարգսյանը: Ֆիլմը արժանացավ մեծ հավանության, բոլորը տպավորված էին, հյուրերը նշեցին, որ ֆիլմի միջոցով կարողացան ավելի լավ պատկերացում կազմել այդ ժամանակշրջանի մասին և, ևս մեկ անգամ, իրենց աջակցությունը հայտնեցին հայերին և Հունգարիայի հայ համայնքին:
Հիշեցնենք, որ «Խոստումը » ֆիլմի պրեմիերայով սկսվեց Հայկական դիասպորայի առաջին փառատոնը, որի գլխավոր հովանավորը և աջակիցն է «Մառլենկա» ապրանքանիշը:
Համաշխարհային ճանաչում վայելող հայ նկարիչները
Արշիլ Գորկի, Մինաս Ավետիսյան, Հովհաննես Այվազովսկի. սա ընդամենը մի փոքրիկ հատվածն է բոլոր ժամանակների հայ վարպետների, որոնց աշխատանքներն այսօր ներկայացված են համաշխարհային թանգարաններում կամ էլ վաճառվում են աճուրդների ժամանակ հսկայական գներով: Հայ ազգը աշխարհին տվել է տաղանդավոր գեղանկարիչների շատ անուններ:
Friss hírek
Felhívás
Kérjük, támogassa alapítványunkat adója 1%-ával!
Adószámunk: 18918816-1-19
Arménia Népe Kulturális Egyesület
18042058-1-43
Örmény Kulturális és Információs Központ Egyesület
18119691-1-41
Örmény Apostoli Vallási Közösség Egyesület
18297179-1-41
Köszönjük!
Elérhetőség
Online Rádiók
Támogatóink
AZ ÖRMÉNY KULTÚRÁÉRT ALAPÍTVÁNY MŰKÖDÉSÉT TÁMOGATJA